首名只用中文發言議員 前立法局議員王霖辭世
[2016.03.31] 發表
【明報專訊】立法會秘書處文件顯示，年過九旬嘅前立法局議員王霖於本月19日辭世，議員可於下月13日到九龍殯儀館弔唁。王霖對上一次公開露面係去年12月立法會嘅午宴上，當日立法會邀請一批前議員，同現任議員食飯敘舊，出席者包括當時已經96歲嘅王霖。王霖非常有地位，佢係上世紀70年代獲時任港督麥理浩委任入立法局嘅非官守議員，亦係第一個喺立法局中只用中文發言嘅議員。
1978年麥理浩委任
王霖喺香港土生土長，佢2014年接受報章訪問時提及自己曾到內地就學，但因為日本侵華，再回流香港。佢做過九巴售票員、車務主任，其後要開辦新路線，不時與地區官員聯絡，故認識唔少官員。1975年王霖獲邀出任「撲滅罪行委員會」非官守委員，到1978年獲委任成為立法局議員。
最深刻提出「加高交通燈」
當年政府為佢開先例，令當年每個議員可享4000元津貼，畀王霖請翻譯等，佢亦係「第一個在立法局中只用中文發言」嘅議員。
代表基層嘅王霖不時提出民生同房屋議題。做咗9年議員，王霖話自己最深刻嘅係提出「加高交通燈」 ，佢話當年雙層巴士已面世，但交通燈好矮，唔方便又危險。
更多港聞
河國榮「被代言」 訪問變廣告 《蘋果》解僱廣告部職員
【明報專訊】藝人河國榮噚日喺facebook話，早前收到一個信息，有媒體想同佢做一個有關曲奇餅嘅訪問，但到「訪問」出版後，卻發現該篇「報道」... 詳情
相關新聞
