【明報專訊】香港人壓力大真係唔講得笑，香港神秘顧客協會噚日公布「全球微笑報告」，香港喺100分滿分只得48分，第一次包尾，同蟬聯第一、得到滿分嘅愛爾蘭簡直有天淵之別。睇埋行業分類，香港電訊業嘅微笑指數得分最高，有71分；珠寶鐘表零售業排第二，有70分；運輸及交通服務業排名最低，只得28分。 運輸交通服務業低分 其實香港微笑指數評分喺2014年已經按年急跌20%，今年繼續留喺低谷，協會主席黃兆良話同經濟低迷有關，消費意欲跌加上吉舖處處，唔止企業壓力好大，員工佣金亦都少咗，被迫追數，自然影響情緒。加上投訴文化日益嚴重，令前線員工好緊張。佢仲話𠵱家好多前線員工淨係諗今日，唔諗將來個客返唔返轉頭，少咗以開心態度照顧客人。
|
| |
| |
;)
