成功組黨先會退黨 田少歡迎侯強回歸
[2016.05.05] 發表
【明報專訊】上水鄉委會主席侯志強(侯強)早前大張旗鼓搞組黨，仲好決絕交咗退黨信畀自由黨榮譽主席田北俊，不過臨門一腳組黨未成，咁退出自由黨仲係咪成事？原來侯強早就留有一着，田少噚日透露，呢封退黨信其實未生效，因為裏面有前提，係組黨成功先會生效。唔知係咪預料組黨未必一帆風順，田少話封信一直擺喺枱頭未處理，歡迎侯強回心轉意，留喺自由黨繼續貢獻。佢又話自由黨北區樁腳唔多，如果鄉事訴求合情合理，自由黨一定力撐，講到咁，似乎有心挽留侯強喎。
而自由黨最近亦人氣爆棚，喺港大民研調查中仲榮登十大政團榜首，不過田少就好謙虛，話其實立法會喺市民心目中做得好差，無一個政黨取得過50分，話仲要繼續努力做好啲。
更多港聞
王國興郭偉強海報變「HeHe」惡搞圖 撐7天侍產假變撐同性婚姻
【明報專訊】臨近9月立法會選舉，又係各個政黨宣傳嘅時機。工聯會最近就掛出支持男士侍產假嘅巨型海報，由王國興同郭偉強粉墨登場，其中郭偉強「含情... 詳情
世界萬名學者按教研評分 清華北大聲譽拋離港三大
【明報專訊】《泰晤時高等教育》公布2016世界大學聲譽排名，由世界各地學者推選心目中教研最佳的大學，首三位依次為美國哈佛大學、麻省理工學院及... 詳情相關新聞
