【明報專訊】政務司長林鄭月娥今日率領各部門官員，與傳媒高層代表啟程四川，考察港府支援汶川大地震災後重建項目，為重建工作做總結。一行人今日會到成都，先跟四川高層官員會晤，聽日會遠赴臥龍，考察香港有份支持嘅大熊貓保育工作，並會宴請參與重建嘅義工 。完成考察後，林鄭周四會出席貿易發展局喺成都舉行嘅「創新升級•香港博覽」，幫手宣傳吓香港。 林鄭近期忙於退保制度諮詢工作，佢噚日出席青協舉行嘅論壇，逾200學生出席，有學生問林鄭，學者方案嘅退保開支可以用到2046年都有盈餘，點解唔行全民退保；林鄭就老實不客氣，話同學仔可能唔太熟悉公共財政，仲提到自己做過副庫務局長，近幾年財政穩健情况少見。 否認退保諮詢挑起世代矛盾 有同學就「關心」林鄭退休生活，佢就話論壇唔係講個人，唔使回應，不過自己「算好彩」早加入政府，有長俸，所以對於公共年金制非常嚮往，因或可處理到長壽同投資風險。有學生問政府諮詢係咪已有既定立場，同挑起世代矛盾，林鄭否認後者，但面對全民退保龐大開支，政府有責任表達對退保嘅立場。
|
| |
| |
;)
