黎明廣告1日 達295萬瀏覽 林日曦戲鬥「明福俠」早有玄機
【明報專訊】黎明 (Leon)與林日曦拍咖啡品牌廣告在社交網站發布，今次黎明唔做「明福俠」，變身在辦公室給「腦細」林日曦冲咖啡的職員阿明，唱住改編歌《情深咖啡未曾講》。廣告片段前晚8時45分在社交網站上載被瘋狂洗版，24小時後，截至昨晚8時45分，達295萬次瀏覽，17萬人讚好並有7萬多次分享。鄭秀文、鄭裕玲(Do姐)等也讚好，Do姐留言：「Leon唱得好聽又好笑！He looks so charming！」
林日曦年宵外套掛過蝙蝠
林日曦昨日在facebook上載跟黎明的合照，兩人的合作早有玄機。有人重提今年2月維園年宵時林日曦在攤位前為讀者簽名，突然有人發覺他的背脊掛着一隻「真．蝙蝠」。當時林日曦受驚崩潰了，後來連掛過蝙蝠的外套也掉進垃圾桶。原來當日的蝙蝠是好兆頭，寓意今次「明福俠」與「曦蝠俠」的廣告合作。林日曦寫道：「有人話，原來年宵時伏咗落我背脊度嘅嗰隻蝙蝠，就係明蝠俠……」
有網民指腦細林日曦上次跟鄭秀文合照時有笑容，跟黎明合照則「腦細」上身黑面，他回覆：「你試吓做Leon腦細，再叫Leon做阿明，再逼Leon聽黎明，再畀佢伏喺膊頭影相…睇你會唔會呆咗」，林日曦受的震撼，令他任性得要改名，說：「繼續『叫我林日May』」。
黎明先試產品再傾合作
廣告中黎明的金句「層次高啲嘅員工係要得返層次高啲人工」最多打工仔like，「唔理黑咖啡定白咖啡只要好飲就係好咖啡」或「咖啡係冇灰色地帶」一樣有人講。網民欣賞廣告的創作，製作背後也有故事。這廣告創作的大腦Kim就話最初跟黎明的公司接觸提出合作邀請時並非講酬勞，黎明要先試產品，他飲過新配方咖啡後再才能繼續傾。
facebook的「廣告狂人 Madman Monologue」專頁也訪問Kim，解釋為何堅持邀黎明演出，說：「呢次係一個純Online Campaign嚟嘅，所以我堅持搵黎明，因為數勻全香港，只有佢有咁勁嘅digital魅力，Hater又少；再加上條片出街之前遇上演唱會單嘢，對我哋嚟講更加係一個好大嘅Bonus！」
娛樂組
