白韞六邀請 林卓廷「返娘家」
[2016.09.09] 發表
【明報專訊】曾任廉政公署調查主任嘅民主黨候任立法會議員林卓廷，將會「重返娘家」，佢唔係返廉署工作，只係去參觀，皆因廉政專員白韞六噚日去信邀請新一屆立法會議員參觀廉政公署，以及一齊交流反貪工作意見，了解廉署最新工作策略等。
白韞六邀請新任議員本月底參觀廉署，以及同首長級人員見面交流。林卓廷噚日就諮詢網民意見，問大家去唔去參觀好，同埋見到白韞六時講咩好。成班網民幾乎一面倒叫阿廷一定要去，仲要追問廉署人事變動爭議，以及特首梁振英被指收UGL款項嘅事；亦有人叫阿廷到時提醒番白韞六作為專員應有嘅職責。
阿廷同Emily講，會順應民意「返娘家」，仲會參考網友意見，諗吓到時同白韞六講咩。
更多港聞
【明報專訊】下周四係中秋節，康文署特別提醒市民唔好煲蠟，仲話會派人加強巡邏，喺正日及追月一連兩晚（下周四及五），每晚調配約1000名員工到轄...
詳情
【明報專訊】推動聾健共融的機構「龍耳」成功訪問全港約三成聾或弱聽中學生（112人），59%受訪者稱沒思考過將來職業或前途，當中56%不知道應...
詳情
相關新聞
