高永文係咁咳 扑咪要嗌cut

[2016.09.21] 發表

【明報專訊】一直鍾意畀傳媒「扑咪」嘅食物及衛生局長高永文，噚日遇到少少阻滯，講講吓嘢喉嚨痕，講極都講唔到落去，搞到要暫停扑咪。

高永文噚日同區議會開會討論清潔香港，之後就帶住平日較少露面嘅食環署長劉利群，同埋幫手推廣清潔香港嘅清潔龍阿德出場。高永文一如既往，見到記者就係咁講佢同區議會講過乜。

唔知係咪秋涼乾燥，高永文講咗唔夠一分鐘就開始吞口水，聲都變埋繼續講，但講多兩句真係頂唔順，咳咗幾聲，話要停一停，仲話真係喉嚨好痕，要叫人畀水佢飲。

雖然扑咪要暫停，但電視直播就無停，伴住局長嘅劉利群好識做，話頭先局長開會開咗兩個鐘，仲即刻攞住細隻版嘅清潔龍，請記者先同局長影相。高永文話自己唔係唔舒服，只係講得太多嘢喉嚨乾同痕，仲話如果傳媒直播緊，真係唔好意思。

更多港聞

【明報專訊】寶蓮寺去年搞咗個慈善越野跑比賽「佛你跑」，今年11月5日捲土重來，大會仲作出「佛你太太跑」呼籲，希望鼓勵女性都可以養成跑步嘅好習... 詳情

【明報專訊】萬聖節快到，海洋公園已有嘩鬼出籠，周日仲多咗班「不速之客」。睇真啲，原來係兩代主席孔令成同盛智文齊出動，分別扮演「冥界大將軍」同... 詳情

【明報專訊】香港大學與倫敦大學學院（London's Global University, UCL）本學年起共同推出法律雙學位課程，學生畢業... 詳情

【明報專訊】昔日女子排球港隊成員龍子弘，去年9月成為小學教師，她從大學時期便是排球教練，從教好小朋友的態度、應變能力及抗逆力得到滿足感，認為... 詳情

【明報專訊】教育局因削「廣泛閱讀計劃津貼」一事遭批評以「摸底」取代諮詢，據筆者了解，今次游說津貼中學議會及津貼小學議會接受削津貼的，是作風較... 詳情