港廉潔度升兩級全球第八
[2016.11.05] 發表
【明報專訊】法治係香港嘅核心同成功價值，美國獨立機構世界正義工程10月底發表《2016年全球法治指數》，喺「整體廉潔度」一項，全球113個國家及地區中香港排行第8，比起去年第10位上升咗兩級，評分亦都由2015年嘅0.84分升到今年0.85分。
《全球法治指數》「整體廉潔度」一項評核4個廉潔指標，包括行政機關、司法機關、警隊/軍隊，同埋立法機關嘅廉潔情况。以0至1分來評分(0分代表極貪污，1分代表極廉潔)，香港今年喺呢4項廉潔指標嘅評分由0.75分至0.93分不等，4項中只有立法機關一項嘅評分輕微下跌，由去年嘅0.76分跌到0.75分。
立法機關評分下跌
廉政專員白韞六喺噚日出版嘅《廉政快訊》回應《2016年全球法治指數》，提到「欣悉」香港喺「整體廉潔度」全球排名上升至第8位。指數嘅三甲國家或地區分別係丹麥、新加坡同挪威，冠軍丹麥得分係0.96分。
更多港聞
【明報專訊】話晒已經11月，香港天氣仲係時冷時熱。Emily睇過原來下星期一就立冬，但天文台預測嗰日氣溫有成29℃，但係香港將會受冷鋒影響，...
詳情
相關新聞
