婦女組織交流 曾俊華賣幽默 林鄭銷溫情
[2017.03.03] 發表
【明報專訊】形象工程對特首選戰舉足輕重，特首候選人曾俊華同林鄭月娥噚日先後出席「港區婦聯代表聯誼會」交流會，就分別賣幽默同溫情，爭取市民支持。曾俊華入閘後，有言論批評佢係「泛民代理人」，甚至指控佢同「外部勢力」有關；有記者噚日喺會後問曾俊華，有人將佢同「外部勢力」扣上關係，去咗旺角出席活動嘅佢就輕輕一笑，然後話：「外部勢力呀？哈哈，我住港島喎！」
與外部勢力有關？ 曾：我住港島喎
至於林太喺會上就同約200名婦女，分享同亡母相處嘅往事。林太話，自己最尊敬嘅女士就係媽媽，媽媽雖然無受教育，但知道教育對子女嘅重要性，而自己「讀到書」，媽媽就幫佢報考英文天主教小學。林太話，媽媽當年帶佢去報考小學之後，就請食雲吞麵，而當時請食雲吞麵已經係好大獎勵，所以至今仍然歷歷在目。
林鄭憶亡母籲關心至親
林太之後感觸咁話，對媽媽嘅最大歉疚，就係自己工作太繁忙、陪伴媽媽嘅時間好少，媽媽離世前幾年，兩個人好多時都係喺醫院傾偈，但當媽媽病好，「我又掛住做嘢，少咗關心佢」，寄語與會者關心仍然在世嘅父母。
更多港聞
【明報專訊】隨住3名特首候選人正式入閘，唔同政團同組織都有意搞選舉論壇，其中民主思路後日（5日）會舉行論壇，林鄭月娥同胡國興答應出席，但曾俊...
詳情
競選辦3將為人大代表 兩會召開 林鄭失左右手？
【明報專訊】全國人大及政協兩會喺北京召開，港區人大代表、政協委員噚日都陸續去到北京，外界關注中央領導人呢段時間會唔會有任何舉動，影響香港嘅特... 詳情
【明報專訊】英國新特蘭大學（University of Sunderland）在香港設立該校首間亞洲分校，成為首間在香港開設分校的英國大學。...
詳情
【明報專訊】中華傳道會劉永生中學教師邱兆麟以筆名「庫斯克」在《香港01》撰文批評警察集會，幫港出聲不滿，派「記者」到校要求與校長對話。教育局...
詳情
相關新聞
