【明報專訊】有份參選特首選舉但無法入閘嘅新民黨主席葉劉淑儀，早前曾經評論候任特首林鄭月娥嘅競選公關團隊「掠水好深」，點知呢番言論令到林太團隊嘅公關大員麥黃小珍(Sandra)「有點意見」，葉太噚日回應，強調無意批評Sandra，仲向Sandra「講聲唔好意思」喎。 認為公關費用高昂 葉太噚日喺facebook透露，話自從評論林太嘅競選公關開支後，「得知其公關大員麥黃小珍女士(Sandra)對此有點意見」。葉太強調無意批評Sandra，只係覺得林太嘅公關費用高昂，實話實說，「在此向Sandra講聲唔好意思啦」。 至於「有點意見」係指咩呢？Emily噚日至截稿前都未能聯絡上Sandra了解。 指化妝師烈日下工作 1.8萬合理 葉太亦有回應點解自己用咗1.8萬元去化妝，佢解釋競選期間，多次去港九新界如南生圍同科學園等地拍攝外景，製作短片同廣告，但整個選舉工程只係聘用一個化妝師，「我記得數次外景拍攝都是陽光普照，該位化妝師在烈日當空下全程跟隨拍攝及打點，表現專業，故此我認為1.8萬的收費亦屬合理」。
|
| |
| |
;){kind=small}
;)
