【明報專訊】近年有團體提倡休學年(Gap Year)，即係喺中學畢業後、升讀大專前，用3個月至1年時間追求夢想或者體驗生活。香港青年協會青年研究中心成立嘅「青年創研庫」，喺6月19日至7月7日期間訪問咗905個中四至中六學生，發現超過七成半受訪者都考慮參加中學休學年計劃。 調查結果顯示，75.7%受訪者會考慮參加中學休學年計劃，希望增加生活體驗；有4.6%受訪者就話唔會考慮，因為唔想延誤學習。而有62%受訪者認為，最好就係中六後參與休學年。 調查報告又話，受訪者非常認同休學年可以擴闊視野，10分入面平均畀咗8.1分。受訪者亦普遍認同中學生應該勇敢啲追求夢想，53%受訪者畀咗8分或以上。不過，有12.7%受訪者話自己冇夢想，仲有30.6%受訪者話唔知或者好難講。
|
| |
| |
;)
