【明報專訊】適逢海洋公園開業40周年，「哈囉喂全日祭」推出11個景點，提供12種體驗，炮製歷來最大規模嘅驚嚇體驗，但貼近萬聖節嘅周六、周日，就要貴100元。今年重頭戲有「恐懼鬥室」，呈現電影嘅驚慄畫面；仲有從3層樓高位置跳落嚟嘅「凶降」，觸發玩家不同感官嘅恐懼。 主打鬼屋之一嘅「恐懼鬥室」，可以畀人親身體驗由拼圖殺人狂設計嘅「遊戲」、恐怖酷刑同密室逃脫等，務求嚇到大家三魂唔見七魄。另外，園方推出「恐•慌」體驗，包括「慌宅17」、「暗黑迷途」同「凶降」3個景點，透過密室、暗黑、高樓等元素，激發玩家內心嘅恐懼。其中「凶降」會要求玩家喺離地3層樓、6米高嘅地方跳下。雖則地面有軟墊承托，但Emily聽到都心慌慌，少啲膽量都唔得。園方規定，體重喺40至250磅、身高120至200厘米嘅玩家先有得玩「凶降」，同時唔建議孕婦、有心臟病、背部及關節位損傷嘅人冒險。 「哈囉喂」喺10月5日至31日期間16個指定日子舉行，其中21、22、28及29日係指定繁忙日子。一般門票成人438元、小童219元，園方為分流入場人次，今年首設繁忙日子，成人同小童票價比一般門票分別貴100同50元。
|
| |
| |
;){kind=small}
;)
