一帶一路活動 CY搶鏡

[2017.08.23] 發表

【明報專訊】梁振英(CY)做特首時成日提「一帶一路」，現時貴為全國政協副主席，遇上一帶一路活動亦有捧場。政府新聞處噚日發稿，交代署理財政司長劉怡翔出席川港澳合作周——走進香港暨「一帶一路」國際合作四川推介會，附有幾張相，Emily一睇以為CY先係主角。好似圖中呢張，CY(中)企喺正中位置觀賞展板，至於新聞處為佢發稿發相嘅劉怡翔(右二)就企喺較後。

CY同劉怡翔喺活動上先後致辭，劉怡翔就話香港人對四川，無論係大熊貓、麻辣火鍋定旅遊景點都唔陌生，相信香港同四川經貿合作關係密切，日後可以喺呢個基礎上一齊參與一帶一路嘅基建、項目融資等發展。

(新聞處圖片)

更多港聞

指控騙8000萬 300人促通緝「假活佛」

【明報專訊】約300名「假活佛騙案苦主大聯盟」成員噚日到灣仔警察總部請願及報警，報稱被一個自封「活佛」、叫陳寶生嘅男人呃咗，話畀「活佛」呃咗... 詳情

勞處外傭單張被批易生誤會

【明報專訊】勞工處早前以唔同渠道向外傭派發「薪酬及就業紀錄」單張，交代外傭享有嘅法定權益，單張附有表格，教佢哋點計算人工同假期。香港家庭傭工... 詳情