【明報專訊】政府新聞處噚日推出全新嘅網上圖片銷售服務，市民可以透過網上「政府圖片檔案與銷售系統」，瀏覽同購買新聞處嘅歷史同主題圖片檔案庫，唔需要再親身去北角政府合署嘅圖片資料室睇相買相。 新系統可以畀世界各地嘅互聯網用戶瀏覽超過20萬張數碼相，部分圖片係喺19世紀中期拍攝。政府圖片檔案與銷售系統嘅圖片共分為6個類別，分別係：「香港特寫」、「新聞事項」、「城市風貌」、「經濟發展」、「文化與體育」同「昔日香港」。當中「昔日香港」嘅歷史圖片，大部分由個人或組織捐贈，最古老嘅圖片可追溯到19世紀中期。 市民可以免費瀏覽網頁低解像度嘅圖片，用嚟做個人用途可以買高解像度嘅圖片(約1900×1600像素)，每張收費61元。 有興趣嘅市民可以瀏覽﹕www.photostore.gov.hk
|
| |
| |
;)
