特首首訪緬甸晤素姬
[2017.09.16] 發表
【明報專訊】特首林鄭月娥上月初去泰國訪問，會見泰國外長敦巴穆威奈，外長突然提到話有講法話亞洲有兩個女強人，一個係緬甸昂山素姬，另一個就係林鄭，估唔到一個月後，呢兩個女強人就相遇喇。正喺緬甸訪問嘅林太(左)噚日朝早拜會緬甸國務資政、總統府部長兼外交部長昂山素姬(右)，林太仲帶埋禮物，致送一幅由著名攝影師Steve McCurry拍攝同親筆簽名嘅素姬照片。
林太話，今次係香港回歸20年嚟首次有特首訪問緬甸，緬甸亦係佢上任後到訪嘅第三個東盟國家，佢話香港同緬甸喺好多方面可以加強合作，期望同緬甸政府共同努力，推動兩地經濟發展同人民往來。噚日林太行程緊湊，除咗同昂山素姬見面，中午就同緬甸副總統吳敏瑞會面同午宴，又先後見過緬甸酒店和旅遊部長吳翁貌、商務部長丹敏博士，噚日傍晚轉到仰光，今日會繼續行程。
(政府新聞處)
更多港聞
【明報專訊】由「梁粉」、前行政會議成員張志剛擔任總裁嘅一國兩制研究中心，不時都攞到政府撥款資助做研究，外間對呢個組織未必好認識，其實研究中心...
詳情
【明報專訊】離任高官嘅去向受唔少市民關注，政府噚日公布，前教育局長吳克儉獲准由今日起出任上海大學MBA中心臨時兼任教授，主要負責教授一個為期...
詳情
相關新聞
