觀塘繞道橋墩 變身壁畫廊
[2017.09.18] 發表
【明報專訊】發展局長黃偉綸日前出席「反轉天橋底二、三號場」開幕暨「城市藝裳公共藝術比賽——飛躍天橋底」頒獎禮，話最近觀塘繞道部分橋墩新增咗以「都市圖騰」為題嘅藝術壁畫，可展現九龍東特色。壁畫描繪舊城面貌同過往嘅工業產品，亦融入新元素，如綠色生活同郵輪碼頭等。
「起動九東」邀藝術家後巷畫畫
發展局同建築師學會、園境師學會、規劃師學會，以及城市設計學會早前攜手舉辦「城市藝裳公共藝術比賽」，壁畫就係比賽中「飛躍天橋底」組別嘅得獎作品。黃偉綸噚日喺網誌話，目前觀塘商貿區部分後巷嘅環境未被充分利用。「起動九龍東辦事處」喺今年再次邀請唔同嘅本地藝術團體、藝術家同學生參與「後巷計劃@九龍東」，以「敢於夢想」為主題，喺後巷牆壁畫畫，將藝術融入生活，改善社區環境。
更多港聞
【明報專訊】近年極端天氣湧現，本港月前受熱帶氣旋「天鴿」影響，天文台上月22日，錄得36.6℃高溫，是自1884年有紀錄以來氣溫最高的一天。...
詳情
相關新聞
