【明報專訊】特首林鄭月娥早前預告政府將會喺今個月25號嘅立法會會議上，提出「一地兩檢」無約束力動議，民主派本來想提出同「一地兩檢」相關嘅口頭質詢，但根據《議事規則》，如果質詢主題同議案相同，好大可能會被拒提出。不過，民主黨立法會議員尹兆堅成功借題發揮，以政府管治新風格「與民共議」為主題，提出同一地兩檢有關嘅質詢。 阿尹將會先喺下星期18號立法會大會上，要求政府回應「與民共議」嘅具體例子。佢條質詢提出好多事件去質疑政府未有貫徹施政新風格，包括副局長委任、土地供應專責小組成員組成，以及一地兩檢等。 阿尹用呢個大包圍方式成功突圍，佢話期望呢條質詢可以為其他泛民同事「助攻」，繼續追問政府有關一地兩檢嘅事。
|
| |
| |
;)
