【明報專訊】近年頻頻曝光嘅警察隊員佐級協會(JPOA)，噚日喺警察體育遊樂會舉行換屆選舉，現任第一副主席、北角特遣隊嘅林志偉當選第23屆主席，佢會喺今年5月4日正式接替現屆主席陳祖光；而協會現任第二副主席、天水圍巡邏小隊嘅廖政達，則獲選為第一副主席。 林志偉之後同Emily摸吓茶杯底，佢話會繼承現屆主席嘅方向，即係致力改善前線人員待遇，同埋要維護警隊尊嚴，包括推動「侮辱公職人員罪」立法、建議長俸制人員可選擇延至60歲退休、進一步縮減工時至44小時，同埋喺前線單位實施5天工作周等。協會又支持處方嘅建議，為前線軍裝人員提供每人一部隨身攝錄機，認為有助減低不必要嘅衝突。
|
| |
| |
;){kind=small}
;)
