球隊喻多元出路 楊潤雄以世盃勉DSE生
[2018.07.10] 發表
【明報專訊】DSE聽日放榜，相信唔少考生心情都好緊張。教育局長楊潤雄鼓勵大家，無論成績點樣，將來係升學定係就業，都仲有好多出路畀大家選擇，因為社會需要多元化人才，就好似世界盃嘅球隊咁，有前鋒、中鋒、後衛同守門員，每一個人各司其職，就可以打出一場精彩嘅球賽。
楊潤雄喺facebook上載短片，鼓勵應屆考生，片中嘅局長仲著住風褸、拎住足球，佢話今年有世界盃陪大家放榜，希望學生放鬆心情，一起迎接未來。佢仲話，喺跨越DSE考試之後，同學可以睇闊一啲、睇遠一啲，前面有好多出路畀大家選擇，亦有好多機會等緊大家。佢仲以世界盃嘅球隊做比喻，指社會上一定有一個適合各位同學嘅「位置」，大家只要同心合力，就可以為香港「打出一場精彩的球賽」。
更多港聞
【明報專訊】民主派會議召集人、資訊科技界立法會議員莫乃光（Charles）右耳突然失聰，已經開始治療，亦需要搵多啲時間休息。Charles噚...
詳情
【明報專訊】有傳媒報道，高中通識教科書涉嫌出現刪除字眼、用字不準確和立場偏頗等問題。教育局長楊潤雄昨日回應表示，通識科着重多角度思考，故不設...
詳情
相關新聞
