棟篤笑再撞正世界盃 黃子華﹕4年後會想起我
【明報專訊】黃子華的最後棟篤笑《金盆𠺘口》終極26場演出，現在已到中段，子華神狀態大勇。前晚撞正世界盃決賽，子華也加料講波。在觀眾叫「回水」、「除褲」前，他就跟觀眾說﹕「明白嘅，今日係世界盃決賽，會嘗試講快啲。如果你哋想，我9點講完都仲得。」
文﹕娛樂組
黃子華緊貼世界盃決賽開場的時間脈搏，在10時左右他搞笑為觀眾報時說﹕「就嚟開波！我真係真係明嘅，其實我講到11點都得，我可以睇下半場。」難道子華神是身在紅館舞台，心在俄羅斯想睇決賽？一票難求，有幸入場睇黃子華的棟篤笑又怎肯放過他。
提起黃霑又落淚
子華搞笑外又表現了他的感性，他說﹕「上次開騷是4年前，剛巧4年前又有世界盃。不過，4年後的世界盃決賽時，你哋會想起我，在4年前決賽嗰陣，係睇呢個人做騷。」子華今次過後，難有機會再看他的棟篤笑，令現場觀眾也感到離愁。
黃子華今次舉行棟篤笑特別感觸，多次在舞台曬淚。前晚他公開多謝的人是黃霑，提起霑叔，他又流下男兒淚。他說在開騷前對自己講不要哭，自己最怕、最憎催淚。他檢討為何自己會喊，因為他感受到有些人的好意。他說﹕「我唔識霑叔，當時我老闆葉潔馨在他面前提起我，他知道一個𡃁仔搞棟篤笑，香港未有人做過。」霑叔就私下約子華到君悅酒店請他食午餐，並帶了大疊棟篤笑與笑話的書給他。他稱霑叔當時好忙，他是才子，他就是一個無私的人，一番好意，令子華至今仍十分感動。
黃牛黨受影響炒燶飛
黃子華的棟篤笑在開賣前被黃牛黨攻佔，氣得他犧牲休息時間也要加場，他並公開呼籲唔好買黃牛票。不過，子華開騷多晚也是爆滿，前晚卻罕見出現空櫈。在8時正大部分觀眾入場時，明顯見空位，而場外仍有人兜售門票；開場後陸續見有人入座。可能受世界盃影響，黃牛黨前晚出現炒燶飛的情况。
蘇永康佩服狀能大勇
蘇永康日前帶兒子Jazz捧契爺黃子華場，他留言道﹕「因為個Show講到明『兒童不宜』，所以契仔都無得傾，唯有早啲到紅館，契爺化妝整頭時Jazz可以周圍玩！一開Show守規矩地立即上車回家！ps：老友第十場你仍然狀態大勇！堅佩服。」
港姐20強誕生 黎瑞恩世侄女被Out 「翻版紅姑」陳曉華順利入圍
【明報專訊】《2018香港小姐競選》經過頭兩輪面試，20名入圍佳麗終於誕生。昨日一眾佳麗到將軍澳電視城進行「Internal Gatheri... 詳情
