湊人數傾國歌法 工務小組喊暫停
[2019.03.28] 發表
【明報專訊】立法會不時出現同一時間召開幾個會議，令議員有時要唔同會議兩邊走，好似噚日工務小組同國歌法草案委員會會議，同樣都係朝早8點半開會，國歌法草案委員會所需法定人數要超過21，一直唔夠人令會議未能開始，工務小組主席盧偉國本身都係草案委員會嘅成員，唔知係咪擔心另一會議流會大家都要被問責，佢主持工務小組時就決定暫停會議，等大家齊齊去另一會議室湊人數。
立法會嘅委員會須有三分之一以上委員出席，先可以開始會議，睇落門檻唔算好高，不過國歌法委員會委員多達64人，所以法定人數須達21以上。而工務小組就為此暫停咗3分鐘，最終兩邊會議都同時進行。
國歌法草案委員會上傾到推廣國歌納入中小學教育相關嘅問題，教育局首次派官員出席，由副局長蔡若蓮上陣，會上唔少議員表達憂慮；蔡若蓮話條例精神係希望教識學生要認識同尊重國歌，點教、幾時教完全係學校自主。
更多港聞
【明報專訊】Emily由細到大都聽講康文署啲足球場好鬼難訂，近年睇新聞都見有唔少「炒場」情况。立法會議員陳沛然噚日喺立法會書面提問環節，就問...
詳情
【明報專訊】新民黨主席、行政會議成員葉劉淑儀原本噚日會喺立法會提出口頭質詢，關注副局長同政治助理嘅工作，相信唔少人都「期待」葉太會點向班副局...
詳情
下月首交學科範疇評審 明愛專上學院踏升格大學首步
【明報專訊】明愛專上學院以升格為「聖方濟各大學」為目標，校長麥建華昨日表示，下月初會向香港學術及職業資歷評審局提交首個範疇作學科範圍評審，踏... 詳情
相關新聞
