【明報專訊】再有副局長因返過內地，要自我隔離14日。財庫局副局長陳浩濂(Joseph)喺農曆新年前休假，同家人去過上海，所以要自我隔離。Joseph同Emily報平安，話返咗香港超過10日，一家都十分健康，過幾日可以「解封」。Joseph話喺上海時有做足保護措施，喺人多地方同埋喺機場、飛機上都有戴口罩。 Joseph話𠵱家留喺屋企工作，如要外出亦會戴外科口罩，又話電郵、短訊同文件都無停過，home office原來都忙喎。勞福局副局長徐英偉農曆新年期間到中山玩，留家工作「自我隔離」14日，至2月10日先返辦公室。 「香港沒人會忘記淘大慘劇」 Joseph係自由黨人，同黨元老田北俊丶劉健儀丶周梁淑怡同立法會議員鍾國斌去信特首林鄭月娥， 要求「當機立斷」、必須封關，暫停所有過境人流，直至內地疫情受控。信中話「拖延不是選擇！香港沒有人會忘記淘大花園慘劇！若不是當時官員猶豫不決，我們不會犧牲那麼多條性命！ 今天我們的政府極可能重蹈覆轍！」
|
| |
| |
;)
