【Emily】油尖旺區會通過「香港加油」燈飾
[2020.11.07] 發表
【明報專訊】油尖旺區議會噚日決定喺聖誕、新年嘅節日燈飾中加入「香港加油」字句，有份動議嘅區議員林兆彬(Ben)認為目前社會嘅政治氣氛較絕望，希望字句能夠喺疫情下鼓勵港人。其實Ben都有建議過加入「好人一生平安」字句，但最終因字數所限而選擇用其他字。
Ben話燈飾會設置喺太子始創中心對開，屆時上面會有金元寶、財神爺等傳統圖案，佢希望最快喺下月中整好，之後一路放到農曆新年。
油尖旺區節日燈飾嘅設計可謂幾經波折，早前區議會想加入「連登豬」圖案，但被民政事務處反對。Ben話希望今次唔會再度被反對，佢話「香港加油」唔涉及商業元素，又無政治色彩，認為當局如果以「句子與節日無關」等理由反對，就真係無恥喇。
更多港聞
【Emily】橫額被指有「光時」含意 EQ：用吓腦
【明報專訊】民建聯葛珮帆（EQ）嘅橫額被沙田區議員李志宏話係「挑戰國家主權、統一和領土完整」。事源噚日李志宏喺facebook發文，話EQ喺... 詳情
【Emily】林鄭訪京行 中央官員笑談美國大選
【明報專訊】美國大選全球熱議，唔止香港政壇議論紛紛，遠在北京嘅內地官員都講埋一份。中共中央政治局常委、國務院副總理韓正噚日喺北京接見特首林鄭... 詳情
相關新聞
