【Emily】挪威議員讚一生爭取港人權 李柱銘獲提名諾貝爾和平獎
[2021.02.04] 發表
【明報專訊】再有香港人獲提名競逐諾貝爾獎！挪威國會議員Mathilde Tybring-Gjedde、Peter Frølich提名咗民主黨創黨主席李柱銘(馬丁)競逐諾貝爾和平獎，Mathilde Tybring-Gjedde喺facebook表示，李柱銘喺香港有「民主之父」之稱，一生致力爭取香港人權、民主；希望今次提名亦可以啟發香港民主運動，以及世界各地爭取自由嘅人。
現年82歲嘅李柱銘，目前因為前年8月18日嘅維園「流水式集會」，與另外8人被控組織、參與未經批准集結罪，案件將於本月16日審訊。
港英文網媒HKFP亦獲提名
除咗馬丁，其他地區都有多人或組織獲提名諾貝爾和平獎。路透社報道，俄羅斯反對派領袖納瓦爾尼(Alexei Navalny)、世界衛生組織，以及「環保少女」通貝里(Greta Thunberg)都獲挪威國會議員提名。其他獲提名嘅仲有香港英文網媒「Hong Kong Free Press」、美國前總統特朗普、美國去年爆發嘅「黑人的命也是命」(Black Lives Matter)運動等。
諾貝爾和平獎預計將於10月頒發，根據官網，每年國會議員、官員、大學教授、歷屆和平獎得主等都有權提名。
更多港聞
【明報專訊】政府農曆新年後會向立法會提交《宣誓及聲明條例》修訂草案，區議員要宣誓。新界議會監察聯盟噚日同民政事務局長徐英偉會面，話喺新界各區...
詳情
【Emily】誠哥200蚊心意券 贈醫局9.7萬人
【明報專訊】長和系創辦人李嘉誠過去以唔同行動力撐醫護人員，噚日立春，誠哥又出手，送上「春天的禮物」——向醫管局全體9.7萬名人員送上有佢簽名... 詳情
【Emily】大嶼山4區錄52種蜻蜓 環團促選列保育區
【明報專訊】規劃署上月初公布大嶼山4個地點嘅發展審批地區草圖（下稱「草圖」），分別位於沙螺灣及䃟頭、深屈及䃟石灣、貝澳坳，以及梅窩北，面積共... 詳情
【Emily】新民黨民建聯「聯婚」 葉劉請食飯盒報喜
【明報專訊】新民黨主席葉劉淑儀噚日同黨友容海恩喺立法會請記者食飯盒，公布政圈喜訊：新民黨同民建聯「聯婚」。新民黨社區主任廖添誠（Marcus... 詳情
【Emily】拍片向長者送暖 袁嘉蔚3人組跳「螃蟹舞」
【明報專訊】農曆新年就快到，疫情關係，上門同老友記拜年可免則免，3名南區區議員袁嘉蔚、黃銳熺、陳衍冲噚日響應創新義工平台「社職」嘅呼籲，足不... 詳情相關新聞
