【Emily】政制局長公務員局長年薪「減」11萬 減後407萬
[2021.04.09] 發表
【明報專訊】問責官員一向高薪，政府近日回覆立法會特別財委會嘅議員提問，Emily發現政府為政制及內地事務局長、公務員事務局長預留嘅薪酬開支，同樣由2020/21年度嘅418萬年薪，減少至2021/22嘅407萬元。兩局人選去年4月底都曾有變動，政制局長由聶德權變曾國衞；公務員事務局長就由羅智光變聶德權。
翻查資料，特首林鄭月娥去年4月喺記者會宣布，同問責團體會齊齊減薪一成，歷時一年，意味佢哋年薪減至約376.2萬，各人2021/22年度嘅預算薪酬開支比呢個數字增加約8%，但都未回復減薪前嘅數字。
阿鼎分國籍問法官薪津人數
司法機構：冇國籍統計資料
近年建制派好關注司法議題，民建聯周浩鼎就喺預算案提問中問到法官人數及薪津資料，仲分為「本地法官/中國籍法官」、「非本地法官/非中國籍法官」。不過，司法機構政務長梁悅賢回覆時話，冇備存法官及司法人員獲任命時嘅國籍統計資料，並引述《基本法》指除咗終審法院及高院首席法官兩個職位外，基本法並無對其他法官及司法人員國籍作規定。
更多港聞
【Emily】特首答問大會分心 陳帆肉緊首爾選市長
【明報專訊】特首林鄭月娥噚日出席立法會答問會，每次呢啲場合，都可以見到官員、議員嘅「眾生相」。話說韓國日前就多個議員及市長席位補選，噚日凌晨... 詳情
【Emily】明報JUMP周六招聘日 200職位空缺
【明報專訊】疫情下經濟低迷，要轉工同求職都唔易。明報JUMP聽日舉行「JUMP招聘及進修日2021」，設招聘職位及課程諮詢攤位，場內分「護理... 詳情
【Emily】試足10年 盈盈樂樂再接再厲造B
【明報專訊】海洋公園動物團隊發現大熊貓盈盈樂樂又開始發情，公園噚日開始暫停對外開放「大熊貓之旅」，直至另行通告，畀兩隻大熊貓可以準備交配。 ... 詳情相關新聞
