【Emily】一家六口外出開餐 劉業強籲齊打疫苗
[2021.05.10] 發表
【明報專訊】政府實施嘅防疫規定好複雜，要食客、員工打咗疫苗，先可以6人一枱食飯，要做到真係未必容易，但鄉議局主席劉業強一家就做到。佢話同家人分別打咗3款唔同疫苗，噚日母親節終於可以三代同堂外出用膳。
話同家人分別打咗3款疫苗
劉業強話，唔少朋友都想同家人外出食餐飯，共敘天倫，但自從新冠疫潮來襲，加上堂食限制人數，大家都甚少外出用膳，但近日佢一家就可以解禁。
佢話家人已接種咗3款唔同嘅新冠疫苗，包括國藥、科興同埋復必泰，實行自己疫苗自己揀。佢身為全國政協，1月底已經返內地接種國藥疫苗，然後先可以上北京開政協會議。至於媽媽同太太，就喺香港接種科興，而3個仔女就選擇復必泰。佢仲話媽媽年逾八十，接種之後無出現不適。
劉業強又話，疫苗為香港帶嚟抗疫曙光，香港目前供應充足，呼籲大家踴躍接種，等社會早日回復正常。
更多港聞
【Emily】議員實測 鴨脷洲快艇去赤柱快巴士近倍
【明報專訊】塞車會令人煩躁，政府上年提出「躍動港島南」計劃，有南區區議員把握機會，提出開拓該區水上交通，希望方便居民夏天時到海灘游水。南區區... 詳情
DSE歷史卷聯校模擬卷多處相似 資料引同一抗日電影 教師稱疑惑 考評：取材相近正常
【明報專訊】中學文憑試（DSE）歷史科考試上周四（6日）結束，但有指試卷部分內容與學界一份模擬試卷相似。考評局前歷史科評核發展部經理楊穎宇在... 詳情
相關新聞
