【Emily】環團「大支嘢」請願 倡膠樽按金最少1蚊
[2021.07.07] 發表
【明報專訊】環境問題大家都好關心，多個環團聯合行動，噚日喺政總外豎起「大支嘢」膠樽請願，要求環保署推行生產者責任法規，採納國際行之有效嘅按樽制，將膠樽按樽金額定為至少1元，增加回收吸引力。環團請願都用環保方式，現場唔用紙本新聞稿，記者用手機掃掃QR Code就有齊採訪資料。
政圈方面，實政圓桌田北辰近日同環境局人員去荃灣海濱視察污水臭味問題。荃灣海濱渠口位現放置咗約160個水凝膠，話呢種物質可以分解臭味源頭其中一種成分——硫化氫，工作人員會每個月更換一次。田二少就話，渠務署𠵱家同科技大學研究緊，試驗用升級版嘅水凝膠，希望能去除有臭味嘅揮發性有機物。
葉劉送23公斤垃圾回收
新民黨葉劉淑儀都話響應回收，同傭人送咗23.8公斤重、六大袋家居垃圾去「綠在區區」回收，當中以報紙為主，仲有鞋盒、飲品盒等。環保署去年推出「綠綠賞」積分卡，市民可憑卡賺取電子積分、換禮物，葉太都換咗一盒廚房抹手紙。
更多港聞
【明報專訊】今年國際文憑大學預科課程（IBDP）狀元人數多達1155人，本港佔130名，為歷年之冠。拔萃男書院負責國際文憑統籌的教師胡家麟分...
詳情
相關新聞
