【Emily】劉頴匡：收押所聽電台旁述奧運 家朗奪金 圍牆困不着歡呼
[2021.07.28] 發表
【明報專訊】民主派初選案多人仍然還押，雖然身陷囹圄，但佢哋同樣為「劍神」張家朗喺奧運花劍項目奪金牌興奮。前民間集會團隊召集人劉頴匡(Ventus)因初選案還押數月，女友黃于喬(Emilia)探望後，引述Ventus話收押所內冇得睇奧運直播，但喺前晚男子花劍決賽有電台DJ暫停節目，即時報分，囚友聽得好投入，「張家朗每奪一分，整個囚倉都大聲歡呼！直到張家朗奪金一刻，歡呼聲直頭係響徹荔枝角(收押所)，震耳欲聾，連隔離座嘅呼喊聲都聽到！」
黃于喬引述，Ventus講起前晚情况時仍然激動，證明圍牆下困咗好多對香港有強烈歸屬感、以香港人身分為榮嘅香港人。
趙家賢話穆sir影響國家運動安全
另一邊廂，前民主動力召集人趙家賢(趙博)亦係還押緊，東區前區議員陳寶琼探佢後引述話，趙博聽收音機知道張家朗贏咗金牌，「同香港人一樣，感到好開心同鼓舞！」對於民建聯穆家駿日前喺facebook「強烈譴責」羽毛球港將伍家朗身穿冇區徽嘅全黑衫褲比賽，趙博批評穆喺奧運期間亂咁批評香港運動員，係為香港添煩添亂，「趙博又指穆sir言論是煽惑香港人，同時為國家的運動安全，產生重大影響」，又慨嘆點解教師做錯事可以唔道歉。
更多港聞
【明報專訊】區議員宣誓在即，早前引發區議員辭職潮，油尖旺區議會原副主席余德寶亦離任。風雨飄搖之際，油尖旺區議會噚日召開大會，民主黨朱子洛當選...
詳情
【Emily】林鄭拉大隊睇何詩蓓比賽 財爺無份
【明報專訊】奧運吸引力真係唔嘢小，連官員都要放低工作眼定定欣賞。話說特首林鄭月娥噚日喺facebook出post，張相顯示佢同多名司局長等人... 詳情
【Emily】馮巍教港官認識新時代中共治國理念
【明報專訊】公務員事務局噚日喺政府總部舉辦《新時代的中國共產黨——兼談中國共產黨與「一國兩制」》講座，由港澳辦前副主任馮巍透過視像主講，帶2... 詳情相關新聞
