【Emily】「長社力」宣布停運
[2021.09.23] 發表
【明報專訊】深水埗區議員李文浩喺facebook宣布，由佢出任主席嘅長沙灣社區發展力量(長社力)無限期停止運作。佢解釋，時移世易，繼續運作組織並以組織專頁名義發言，令義工處於不必要嘅危險中；為免出現不可控情况，佢話「長社力」歷史任務已完結。
專頁改名為個人平台 李文浩：免義工危險
李文浩話，為免將來有長社力義工無辜墮入法網，聲明長社力專頁不論過去、現在，所有內容都係由佢本人或其指示下發出，與其他人無關；並宣布長社力無限期停止運作。帖文表示，近年香港民主大倒退，中共強加干預下，一國兩制、司法制度蕩然無存，近日更出現一箱朱古力、魷魚絲都成為顛覆國家政權罪證嘅荒唐事情。李文浩話長社力專頁一向係其發言平台，不時出現與敵對陣營隔空罵戰場景，惟如今繼續運作組織並以組織專頁名義發言，將會變得雞肋，亦令義工身處不必要危險，只好忍痛承認長社力歷史任務已完結。不過，佢話長社力專頁將會改名，繼續作為其發言平台，「炮轟不義政權，與暴政鬥爭到底」。
慈雲山建設力量亦解散
另一組織「慈雲山建設力量」噚日發聲明，話組織喺2014年成立，現時「已無力前行」，宣布即日解散，停止運作。
更多港聞
【Emily】二創《戀愛預告》成《消費預告》 陳茂波拍MV sell下期消費券
【明報專訊】政府10月1日將發放第二期電子消費券，財政司長陳茂波搵嚟同事粉墨登場拍MV，二次創作歌曲《戀愛預告》成《消費預告》，話就到月尾，... 詳情
【Emily】「7A」少年黃仁龍 當年自覺失敗
【明報專訊】香港電台上載舊日訪問，包括1980年代訪問當時會考狀元，其中一名模範生係曾擔任律政司長嘅資深大律師黃仁龍（圖），訪問仲展示皇仁仔... 詳情
【Emily】又有卡打 Little Cloud登陸西九
【明報專訊】西九文化區藝術公園一向係野餐同散步熱點，旅發局早排推出「香港?大城小區」西九龍項目，鼓勵市民用藝術文化角度探索西九龍，仲同國際藝... 詳情
【Emily】子女有目標 杜凱琹父母：相信最重要
【明報專訊】東京奧運乒乓女團銅牌得主之一杜凱琹（阿杜）偕父母接受教育局訪問，原來阿杜細個時家人安排佢學跳舞同彈琴，直至佢去睇阿哥練習乒乓波，... 詳情
相關新聞
