【Emily】碌落海漏氣 觀塘月球變生筋 流浪250米 職員吊臂船「海底撈月」
[2021.09.24] 發表
【明報專訊】觀塘海濱對開喺中秋期間放置咗一個15米高嘅巨型發光月球裝置，連日嚟成為打卡熱點，但噚日朝早有狂風大雨，「月球」由躉船被吹落海，隨風一路翻滾，最終撞上岸邊並漏氣，個波喺水面慢慢軟化，有網民形容「好似打邊爐放山根(生筋)落咗湯度」。「月球」沉海，職員安排吊臂船「海底撈月」，最終到朝早11點幾成功吊起「月球」。
原噚日收回 繩索撕裂
月球裝置原定噚日朝早收回，點知計劃趕不上變化，天氣導致綁住「月球」嘅繩索撕裂，最終跌落海兼漏氣，被吹至250米外近九龍貨倉對開先搵番。有網民形容係「流浪月球」，仲講笑話係咪要應節「追月」。
「月球」由周日(19日)起一連四日展出，整個活動名叫 「全民『燈』月」，因為呢個「月亮」識發光。主辦方噚日「撈月」後喺facebook發文，「多謝眾多市民連日參與，全民『燈』月變海底撈月，希望為香港和市民帶來旺氣」，感謝市民嘅參與同體諒。
更多港聞
【Emily】中秋後長洲北眺亭「燒燶」 前議員多謝有心人清潔
【明報專訊】日前中秋節唔少人外出賞月，但就唔係人人都咁有公德心。離島前區議員梁國豪前日喺facebook上載照片，顯示長洲北眺亭中秋過後滿地... 詳情
【Emily】辛亥革命110年大會 中聯辦羅永綱露面
【明報專訊】國務院7月底宣布，澳門中聯辦副主任羅永綱調任香港中聯辦副主任。羅永綱上任近兩個月，噚日首次喺公開場合亮相（圖）。佢出席「香港各界... 詳情
【明報專訊】今年係國慶72周年，香港同胞慶祝國慶籌備委員會會喺10月1日晚上7點至8點15分，喺紅館舉辦文藝晚會。籌委會秘書長、全國政協常委...
詳情
相關新聞
