【Emily】「疫」字當選民建聯年度漢字
[2022.01.31] 發表
【明報專訊】民建聯噚日宣布，2021年香港年度漢字評選結果，「疫」字獲最高票當選。民建聯創黨主席、立法會前主席曾鈺成話，「疫」字成為年度漢字係理所當然，因為舊年出現嘅頻率遠超其他漢字，但就講笑話「疫」字一定唔係眾望所歸。
民建聯香港年度漢字評選投票期為期16日，喺1月27日結束，共3244人投票，參加者喺疫、守、奧、穩、變、通、善、安、民、選10個候選漢字中揀佢哋認為嘅年度漢字。
另外，特首選舉提名期2月20日展開，對於會否支持特首林鄭月娥連任，曾鈺成噚日拒絕評論，認為𠵱家未知林太會否競逐連任，亦未有其他人參選。至於有無下任特首「心水」，佢就話認識嘅人當中，唔少人有能力、有心、有擔當，對方會自行決定點樣服務香港，所以佢唔會提議人選。
更多港聞
相關新聞
