【Emily】劉子傑梁國華 辭民主黨中委
[2022.02.18] 發表
【明報專訊】民主黨前晚召開中委會確認革除副主席梁翊婷同前中委蘇逸恒，Emily聽聞，原來會上同時通過梁國華同劉子傑請辭中委申請。據知本身係葵青前區議員嘅劉子傑目前身在英國，並告知黨友短期內都唔會返香港。
兩人已不在港
劉子傑舊年因為擔任股東嘅公司有份協助新思維狄志遠做立法會選舉工程宣傳被批評，事後有新思維中人為佢「平反」，話唔關劉子傑事，而係接觸另一股東公民黨前成員譚家浚，事後劉亦企硬無做錯。
本身係支聯會多年老臣嘅梁國華，聽聞舊年因為2020年六四非法集結案定罪獲判緩刑後已離港一排。
民主黨網頁中委一欄已經冇咗兩人嘅名，據Emily打聽，劉同梁都無退黨，仲係民主黨員。兩人無回覆查詢。
被黨革除 梁翊婷：一笑置之
講番梁翊婷，佢同Emily講對被黨革除無特別想法，會一笑置之，並認為民主黨好大機會日後不會再參與各級選舉。佢又話好快講啟動新組織做民生、社福工作，至於會唔會參選，佢都係一笑置之：𠵱家言之尚早。
更多港聞
【明報專訊】沙田區議會主席、民主派麥潤培周日（13日）中午喺facebook直播，預告馬鞍山利安邨利盛樓當晚「有啲行動」。包括早前投訴過佢嘅...
詳情
【明報專訊】疫情衝擊本港醫療系統，死亡個案日漸增加，好多人見到醫院外嘅確診病人要餐風露宿都好憂心。行政會議成員葉劉淑儀喺電台節目話，本港疫情...
詳情
【明報專訊】大埔區議員、民主派姚鈞豪前晚喺facebook話屋企人用快速測試檢測，顯示陽性，佢嘅快速測試結果則係陰性，但都會自我家居隔離。姚...
詳情
相關新聞
