【Emily】永安：韓國團如有活牀蝨可退款
[2023.11.22] 發表
【明報專訊】近日多國出現牀蝨，包括港人熱門旅遊地點韓國。永安旅遊噚日發出告示，話為咗令旅客重拾到訪韓國嘅信心，凡參加永安旅遊喺12月1日至出年2月29日出發嘅韓國團，旅客喺行程中嘅酒店、旅遊巴同埋餐廳發現活牀蝨，並即時告知隨團領隊、當地導遊等工作人員後，旅客可以喺行程結束返港後獲退回團費。永安旅遊副總經理馬世文同Emily講，「每一位發現到獨立一隻活牀蝨」嘅旅客都可以退回團費。
馬世文舉例，如果「A人客發現到一隻、B人客發現到第二隻」，工作人員現場記錄在案後，兩人都可以獲退團費。告示提到，永安旅遊會喺行程中保障旅客嘅健康，包括每日消毒旅遊巴同埋選用有品質信譽保證嘅酒店品牌等。馬世文強調，雖然今年暑假起已接獲韓國當局相關資訊，但係永安旅遊所有出發嘅韓國團至今都無接過任何牀蝨報告。
更多港聞
【Emily】內地網民話港「金融遺址」 駐京辦：會強力否定
【明報專訊】立法會工商及創新科技事務委員會噚日開會，聽取駐外經貿辦同駐內地辦事處工作報告，委員會主席吳永嘉話留意到內地網上平台出現一啲抹黑香... 詳情
【明報專訊】司法機構向立法會提交文件，提到計劃出年年初就選定案件喺法院大樓外試行現場直播，準備就緒就會公布細節；不過就唔係所有司法程序都適合...
詳情
【Emily】百仁基金辦STEAM「選秀」賽 另推項目培養精英「拯救地球」
【明報專訊】百仁基金同香港資優教育學苑、香港桂冠論壇成立「G3聯盟」，一齊主辦「少年創科達人大獎」，發掘培養香港STEAM（科學、科技、工程... 詳情
開學3個月3幼園停辦 教局稱兩新校註冊 重申鼓勵辦團整合
【明報專訊】1950年創辦、現設兩校舍的聖保羅堂幼稚園，下學年起合併。校方昨在校網解釋，北角分校停辦原因為租金高昂、政府補貼遠不足夠，加上受... 詳情相關新聞
