【Emily】上京閱兵團 議員獲邀準則睇唔透 有說請委會正副主席 但非人人有份
[2025.07.30] 發表
【明報專訊】今年係抗戰勝利80周年，北京天安門9月3日將會舉行閱兵儀式，據Emily了解，一眾港區人大、政協、行政會議成員都收到邀請，屆時上京參與儀式，而部分立法會議員自上星期起都陸續收到政制及內地事務局來電，邀請佢哋齊齊上京，之不過，邊啲人收到邀請，邊啲人無，多名議會中人都話摸唔清標準，大家都好奇。
近日政圈先後傳出不同消息，有說受邀對象係政黨高層，又有說係事務委員會嘅正副主席，不過Emily向多名事務委員會正副主席了解，又唔係全部都獲邀。確實準則係點，唔少議員都話摸不着頭腦。
撞正假後首大會 「趕車」仍可能取消
最終有幾多立法會議員獲邀上京仍係未知數，但閱兵當日撞正立法會暑假後首次大會，據悉當日取消會議嘅成數極高。有獲邀嘅資深議員話，按以往慣例，官方活動多數會邀請立法會主席，而現時嘅代主席、即內務委員會主席李慧琼係人大常委，副主席陳健波係行會成員，相信都喺受邀名單之中，因此開得成會嘅機會好低。
唔少具分量嘅政府法案正排隊審議，包括有關網約車規管、簡樸房規管、控煙條例、同性登記制度等，而由於年底舉行立法會換屆選舉，今屆會期將提早喺10月22日結束，其間安排咗7次大會，但考慮到換屆選舉提名期可能10月中展開，加上《施政報告》預料9月中發表，若果9月3日嘅會議取消，可以審議政府法案嘅會期就更少，有議員預計「趕車」之下，無約束力嘅議員議案極可能要犧牲。
更多港聞
【Emily】「地膽」率遊灣仔 隨文學尋「築跡」
【明報專訊】市建局今個月起同香港文學舘及救世軍合作，舉辦為期兩個月嘅「地膽遊灣仔——文學築跡」活動，包括舉辦以文學作品中關於灣仔見聞為主軸嘅... 詳情
【明報專訊】科技大學校園醫務所5月底開始試用由科大自行研發嘅人工智能（AI）醫療平台「SmartCare系統」，協助簡化臨牀治理流程，包括用...
詳情
【Emily】青年節啟動 陳國基倡辦抗戰勝利80年活動
【明報專訊】由民青局舉辦嘅第三屆「青年節@HK」噚日喺柴灣青年廣場舉行啟動禮。作為《青年發展藍圖》重點項目之一，今年主題圍繞「正向思維」、「... 詳情
【Emily】叮叮變身餐廳 $198歎萬麗High Tea
【明報專訊】平時主要載遊客觀光嘅「電車全景遊」，下月15日至9月14日會變成「叮叮餐廳」，乘客可以喺車上邊欣賞黃昏景色、邊食酒店級High ... 詳情相關新聞
