【Emily】東華三院外展袋 送溫暖畀照顧者
[2025.08.30] 發表
【明報專訊】東華三院照顧者支援專線喺2023年成立，佢哋嘅社工不時去探訪有需要嘅照顧者。東華三院為社工設計咗一個「外展袋」，畀社工帶埋去上門探訪。照顧者支援專線主任何泇儀話，專線兩年嚟處理10萬個來電，當中唔少照顧者係需要即時支援，單靠電話係唔足夠，所以佢哋設計咗呢個「外展袋」畀社工出勤時用。
「外展袋」入面有食物、衫、濕紙巾、洗滌用品及心意卡等物資。東華三院話呢啲物資可以喺照顧者最需要關顧嘅當下帶嚟一份安心，例如袋入面有一件風褸，有次社工出勤時，受助婆婆覺得凍，社工拎件風褸出嚟，即時為婆婆帶來暖意。袋入面仲有小掛鈎，可以幫照顧者掛起個袋；雨褸就可以喺雨天為佢哋遮風擋雨；茶杯可以畀佢哋慢慢飲一杯熱茶。何泇儀話希望社工每次出隊都可以藉住呢個「外展袋」，送出一份實際又體貼嘅支援。
更多港聞
【Emily】警首部微短劇播出 一哥：學堂回憶湧現
【明報專訊】警方推出首部微短劇《郭Sir！學警A班到齊！》，噚日及下周二（9月2日）分別喺警方抖音帳戶及YouTube頻道分集播出。呢套微短... 詳情相關新聞
