【明報專訊】旅遊發展局斥資2500萬元搞嘅「閃躍維港」3D光雕匯演，首輪匯演噚晚舉行，將展示香港特色嘅影像投射喺尖沙嘴文化中心外牆。Emily睇睇吓表演，發現有人將「我要真普選」影像投射到鐘樓外牆，「融入」埋表演！ 數男子投影機投射字樣 匯演噚晚8點開始，歷時10分鐘，畫面一開始係火車喺文化中心外行駛嘅影像，之後出現點心字樣等，商務及經濟發展局長蘇錦樑、旅發局主席林建岳都有睇表演。 片段重複播放，播到第三次時，鐘樓外牆就出現「我要真普選」字樣，Emily發現原來係由幾個男子特登揸車去鐘樓對開馬路，用投影機投射出嚟，不過因為嗰度唔畀泊車，好快就畀警察趕走咗咯。
|
| |
| |
;){kind=small}
