【明報專訊】新任立法會議員何君堯嘅言論不時畀人話惹火，佢噚日出席「香港發展論壇」有關立法會嘅研討會，話傳媒需要「sound bite(搶耳句子)」，如果有人說話唔太合適，傳媒就會「攻過嚟」，佢形容自己係「箭豬」，因為自己插箭唔少，但都頂得順喎。 講起sound bite，何君堯噚日提到立法會具法律背景嘅議員時，話泛民以往喺議會嘅法律「top gun(精英)」無晒，形容民主黨涂謹申係「死剩種」，意指對方係民主黨唯一有法律背景嘅現任議員，言論繼續惹火。 噚日同場出席研討會嘅，仲有立法會新丁民建聯周浩鼎(Holden)、香港專業人士協會會長陳建強，同基本法委員會委員劉迺強等，吸引逾百聽眾。Holden話，相信議會未來有機會出現更激進行為，但議會中嘅對立未必無改善空間，因為今年有26個新人入局，新人就好似白紙一樣，彼此「無特別牙齒印」。
|
| |
| |
