【明報專訊】立法會換屆後唔少資深議員退下火線，立法會足球隊都要「大換血」，有近半係新丁。民建聯新議員最積極，4個新人包括周浩鼎、柯創盛、張國鈞、劉國勳全部加入。今年隊長就由高佬何俊賢接班，佢話自己只係打雜，負責幫手搵場等，服務大家咁話。

近半係新丁 何俊賢任隊長

Emily聽聞，呢班議會新丁個個都係運動健將，例如醫學界陳沛然腳法了得，周浩鼎�鬘~國玩開欖球，唔踢得都衝得，最近修身成功�黿i國鈞都係踢開波。雖然羅冠聰一副書生樣，不過勝在夠年輕，體力應該都唔錯。

佢�]下個月25號就會有第一場友誼賽，同政府高級官員同場切磋。雙方平日�鬘萿k會質詢交火，唔知今次到足球場會唔會唔一樣有火花。隊長何俊賢就戴定頭盔，話足球隊一直未搵到時間熱身練波、培養默契，相信到時都要直接上場。佢笑住話要睇對手係咩人，如果係問責官員都有勝算，但如果係政務官，個個放假定時，有時間做運動，就好難講。睇來係曲線呻緊立法會議員工作太繁重。