【明報專訊】中大青年公民社會將舉行一場「公民社會研討會——可能是教授最後的沙龍」，由佔中發起人之一、中文大學社會學系副教授陳健民(KM)分享公民抗命嘅故事。KM話，法庭都未審，學生已經咁樣宣傳活動，「真是告別在即」。 KM早前接受訪問提過新學年第一課落堂時，學生已經起立鼓掌同影相，彷彿大家都知道呢個學期或者係「最後嘅課堂」。包括佔中三子在內嘅9名佔領運動參與者，早前被控多罪，案件將會喺明年預審。 沙龍將於今個星期五(29號)晚上喺中大舉行，到時KM會講吓公民抗命背後嘅故事，探討大學甚至香港公民社會喺自由收窄下嘅發展方向。 另外，「Hong Kong Cultural & Political Forum 文政網」將於9月28號，喺英國倫敦國會外舉行集會，有英國國會議員、維權人士同學者會出席集會聲援被政治打壓抗爭者，本土民主前線發言人黃台仰都會出席，為被囚抗爭者發表講話。
|
| |
| |
