天文台開班教你睇天氣
黃昏紅霞預示落雨？
[2014.08.07] 發表
【明報專訊】睇到黃昏有紅霞，係咪預示明日會下雨？見到塔狀積雲，天氣又會點？好多人都對天氣現象好有興趣，天文台10月會舉辦「天氣觀測」課程，由天文台職員主講，講解天氣觀測嘅基本技巧同方法。
呢個課程都幾認真，分開10月11日及18日兩個周六上晝返學，課程內容包括天氣觀測元素、天氣現象及帶來嘅災害，亦有技術知識，包括介紹溫度計、測風儀、雨量計、氣壓計等儀器，天文台導師亦會介紹與天氣觀測有關諺語，令學員明白呢啲諺語背後嘅智慧及地域限制，學員仲可以實習觀測天氣同編寫天氣報告。唔知表現良好嘅學員，天文台會唔會考慮請佢哋做天氣先生或小組報天氣呢？
課程費用120大元，名額135個，如報名人數超出名額，會抽籤決定，截止報名日期8月29日。報名表可登入www.weather.gov.hk下載。
更多港聞
相關新聞
