港青快樂度亞洲尾三
唔開心主因：財務負債減薪
[2014.08.11] 發表
【明報專訊】香港出名生活壓力大，由國際青年商會香港總會轄下嘅浩洋青年商會，噚日公布一項亞洲青年快樂指數調查，調查喺今年5至8月做嘅，訪問咗10個亞洲地區，包括香港、澳門、寧夏、台灣、新加坡等超過1100名18至40歲人士，當中129人係港人。結果發現，如果以1至10分計，10分最快樂，本港青年嘅快樂指數平均分有6.4分，排名尾三，只高過馬來西亞同澳門，台灣同寧夏則以6.69分並列第一。
台灣寧夏並列第一
調查發現，本港青少年主要因為「財務負債」同「減薪」兩個因素導致唔開心，分別為15%及11%；至於日本人最多因為「與人爭執」同「患病」導致不快樂，台灣人則較擔心收入同人際關係問題。
家庭融洽最令港青快樂
咁點先令人開心？調查發現，本港青少年認為「家庭融洽」係快樂嘅最大因素，佔20%；其次係「身體健康」同「增加收入」。負責調查嘅浩洋青年商會話，調查響起社會對青少年精神健康問題嘅警鐘，建議政府除咗保持經濟發展外，亦要花資源教育市民促進人際關係，提供社會向上流動機會，令市民安居樂業，減少壓力。
更多港聞
相關新聞
