高登仔石永泰 嘆公會兩面不是人
[2014.12.11] 發表
【明報專訊】大律師公會每年都會揀幾個法律學生中嘅精英頒發獎學金，今年就有3個男學生攞到20萬獎學金。向來風趣幽默嘅大律師公會主席石永泰喺噚日頒獎禮上，除咗勉勵學生，仲趁機向在場嘅法官同大律師「大吐苦水」。
佢話收到可靠消息，兩個攞過同一個獎學金嘅人，即係之前頒下佔領區禁制令嘅法官區慶祥，同代表其中一個原訴人嘅大律師毛樂禮，近期都比好多朋友喺facebook「unfriend」，石永泰話自己其實係個高登仔，睇到好多人因為法庭頒下禁制令，又上訴失敗，就話法治已死，話搞到香港變咗「以法治人」。
石永泰話，法官發過誓根據證據和法律判案，但?家啲人好鍾意根據你做同講嘅嘢將你分類，但就唔理你背後嘅理據；好似公會咁，今年6月對國務院嘅白皮書發表意見，就畀人話佢「搞搞震」同誤解內容，後來公會譴責用催淚彈，又畀人話佢幫啲示威者；到公會批評啲人集體違反禁制令，又收到好多電郵話佢哋唔支持民主。石永泰話，唔講又畀人話；兩邊都批評，又畀人話牆頭草，不過佢話都係唔講咁多，費事下年法律年開幕無嘢好講，佢呢番話引到啲嘉賓係咁笑。
更多港聞
【明報專訊】網上媒體「主場新聞」今年7月底突然執笠，近日有傳即將會「翻生」。另一邊廂，精電國際有限公司噚日就發表聲明，「主場新聞」創辦人蔡東...
詳情
【明報專訊】工聯會將與香港專業進修學校（港專）合辦「政治專才文憑課程」，於明年3月推出，並邀請社會科學、政治、公共政策範疇的學者和專家擔任講...
詳情
相關新聞
