【明報專訊】一年一度嘅香港書展下月15日開鑼，新地「新閱會」訪問咗1500名年齡15歲或以上嘅市民，了解佢哋嘅閱讀習慣，發現受訪者過去半年每人平均讀咗2.8本書，較舊年同一調查嘅1.7本有顯著增幅；平均每周嘅讀書時間有2.3小時，較舊年多咗1個小時。 近年電子書或網上閱讀大行其道，但呢個調查就發現有閱讀習慣嘅受訪者中，只睇印刷書嘅人由去年90.6％，大跌30個百分點至今年嘅60.5％。印刷書籍佔受訪者閱讀書目嘅總數，亦由去年嘅91.7％跌至今年80.9％；睇電子書則由去年8.3％升至今年19.1％。 講起書展，香港書展宣布今年年度作家為李歐梵教授。李歐梵為早期研究五四作家浪漫主義嘅學者之一，近年喺中文大學教書，活躍於文化評論等，書展期間李歐梵會舉行3場分享會，粉絲留意喇。
|
| |
| |
;)
