逾百人遊行中聯辦 促廣西停狗肉節
[2015.06.29] 發表
【明報專訊】噚日有百幾個愛動物人士由中環遮打花園遊行去西環中聯辦，要求廣西省政府永久停辦狗肉節。參與者穿著黑色衫，拉起寫住「Stop Eating Dogs and Cats!」嘅橫額同高舉動物被虐待相片，其間高呼「不吃貓狗，不吃我們的朋友」口號，又為被食咗嘅狗狗默哀。有人見到啲動物被虐待相激動到流眼淚，公民黨毛孟靜發言時都差啲想喊咁款。
有唔少愛狗者同Emily講，唔應該殺狗賺錢。活動召集人麥志豪話希望呢次遊行能夠引起社會反思，同用輿論令內地政府停辦狗肉節。藝人周家怡都有響應活動，仲喺中聯辦外發言，促請內地政府停辦狗肉節。
更多港聞
相關新聞
