【明報專訊】仲有大約兩個月就到七一，慶祝回歸20周年嘅活動蜂擁而至，其中長江集團尋日喺北京舉行啟動儀式，話以「Let's Party! Let's Celebrate our 20th Birthday!」做口號，為慶祝活動揭開序幕。Emily望過下張活動清單，部分活動可以話係着數多多！ 百佳屈臣氏送北京機票住宿 長江集團話，旗下百佳、屈臣氏同豐澤，7月1日至20日推出每日一次嘅北京遊大抽獎，送北京來回機票同北京東方君悅大酒店住宿；港燈推出電子帳單同自動轉帳優惠，客戶有電費回贈同時可參加大抽獎；屈臣氏酒窖 7月1日推出20款半價優惠嘅香檳酒同氣泡酒；置富產業信託旗下十大商場就向10個顧客送雙人來回機票同北京東方君悅大酒店、重慶海逸酒店、成都天府麗都喜來登飯店免費住宿。如果有市民憑回鄉證訂長實地產旗下喺內地嘅5間指定酒店，仲有半價優惠等。長江仲話，嚟緊會喺北京東方廣場搞香港美食節同電影節，趁機推廣香港文化。 另外，香港總商會就搞咗個攝影比賽，匯集回歸後影嘅靚相，總裁袁莎妮話，個比賽5月5號截止，反應非常熱烈，事關比賽嘅獎金獎品總值高達5.4萬元！
|
| |
| |
;){kind=small}
;){kind=small}
;)
