【明報專訊】Twins、汪明荃、張智霖、馬國明、林文龍、王浩信及李佳芯等前晚出席《微博之夜頒獎禮》，Twins奪「給力組合獎」， 汪明荃成「50周年輝煌大獎」得主，張智霖獲選「娛樂風雲人物」。

笑賴弘國佈置恐怖婚禮似鬼新娘

Twins鍾欣潼(阿嬌)表示與準老公賴弘國的婚期有待找師傅揀好日才決定，不過已預定阿Sa任姊妹團成員，她風騷說﹕「賴弘國有日傳來一張相，我被照片中的場地佈置嚇親，有個涼亭周圍放滿紅色花，感覺好恐怖，好似鬼新娘。」她初步構思在香港擺婚宴，再到台灣跟準夫婿親友食飯，但細節尚未開始處理，目前首先要應付工作，昨日便啟程到上海拍戲一個多月，5月再轉飛美加開3場巡迴演唱會。談到婚後會否解散Twins，撇低阿Sa？阿嬌說﹕「我們一直都沒有這個想法，婚後依然是Twins。」阿Sa認同﹕「每個人有不同人生階段，但可以轉換角色出現。」阿嬌指自己已長大，相信公司都不會阻止她生小孩。

阿姐自爆有老花散光近視兼遠視

汪明荃(阿姐)老公羅家英早前透露剛接受白內障手術，做完「先頭部隊」再安排她去做。阿姐表示還未驗眼，又指羅家英手術後拿她來開玩笑，叫她去修復嘴角兩邊的虎紋，她說﹕「佢現在睇事物好清楚，叫我呢度呢度要執一執呀！我話我都要睇清楚你個樣呀。」阿姐坦言雙眼有老花、散光、近視和遠視問題，戴隱形眼鏡會引致眼睛好�ワM乾澀，故會選擇在幕前演出才戴。會否接受手術？她說﹕「檢查完才決定，若不需要都不想做，但現在科學先進，比以前安全，他的手術好快完成，有個版畀我睇。」

記者﹕鍾一虹

攝影﹕鍾偉茵

■更多娛樂猛料 ﹕ol.mingpao.com