【明報專訊】馬鞍山居民不時大呻該區係美食沙漠，而沙田區議員麥潤培(麥仔)2013年已爭取喺區內有吉野家，事隔5年，麥仔終於「成功爭取」，馬鞍山頌安商場將會有吉野家喇。 Emily同麥仔傾過，佢話係始於翠擁華庭一個街坊嘅玩笑，話馬鞍山無吉野家，叫佢爭取吓，於是佢寫信畀當時吉野家CEO，而佢自己都想食，「當年個CEO約咗我哋睇佢哋製作工場，同參觀咗總部，佢哋其實想喺馬鞍山開舖，我仲見到佢哋個地圖mark住馬鞍山幾個地方」。 睇番麥仔facebook，過去唔止一次同吉野家溝通，仲試過將居民嘅fb留言撮圖傳畀吉野家CEO「請願」。Emily問麥仔有無諗過真係成事，「其實呢個願望好卑微，馬鞍山係一個20幾萬人嘅地區，只係想爭取一間平價食肆，如果我哋唔做，就一定唔得喇」。 麥仔喺fb「報喜」時都話，「說到底，吉野家不是我爭取的，我只是代馬鞍山有此訴求的市民講兩句及出句聲而已！馬鞍山街坊，好嘢！」
|
| |
| |
;){kind=small}
;)
