君堯：你講呢啲係垃圾嚟㗎，敬恆！
[2019.03.11] 發表
【明報專訊】「你講呢啲係垃圾嚟㗎，敬恆！」立法會議員何君堯噚日講開理大踢學生出校，因乜事爆出呢句？何君堯以嶺大校董身分上《城市論壇》，講到碩士生何俊謙被罰永久不獲理大取錄，佢話就算被踢出校都唔好講到咁灰，好多人入唔到理大𠻹。
竪峰建議讀君堯唔野雞母校
節目主持蘇敬恆繼續問何君堯，咁如果同學申請嶺大學位，你點睇？何君堯話，「照程序，唔會因為我喺度會幫得到或阻撓乜嘢，你講呢啲係垃圾嚟㗎，敬恆！喺一個地方無得讀書係好可憐？係。但係咪無出路？唔係……」
中大學生會前會長周竪峰都立即回應，話好認同何律師呢種「天無絕人之路」嘅諗法，話香港嘅大學唔收，仲可以讀何嘅母校，英國州瑪高等教育學院(現稱安格里亞魯斯金大學)法學士，暗諷何君堯2016年曾被網民質疑喺學院未升格大學時已拎到學士，何當年仲反擊話「總之(間學校)就唔係野雞」。
何君堯話，每個人都要自己努力打拼，如果你努力嘅話，可能都會做到我𠵱家做嘅嘢。
更多港聞
【明報專訊】香港科技大學海洋科學系署理主任錢培元率領的國際團隊，於全球各地包括太平洋、大西洋、印度洋等水域取樣，歷時8年，最終發現了超過70...
詳情
相關新聞
