在囚青年請飲啡 祝父親節快樂
[2019.06.17] 發表
【明報專訊】唔知大家點樣慶祝父親節呢？有啲人會請爸爸食飯，有啲人就選擇請飲咖啡。懲教署早前舉辦「等一家人的咖啡」父親節活動，等在囚青年可以為屋企人冲一杯香濃嘅咖啡，寓意一家人同甘共苦。活動當日，成班年輕人慢慢咁將咖啡豆研磨成粉，加水冲泡，再用鮮奶拉出一圈圈嘅花紋。咖啡伴隨甜品奉上，碟面寫上一句溫馨嘅「父親節快樂」。
活動當日，對咖啡有研究嘅藝人陳豪亦有到場，同一眾學員示範冲咖啡嘅技巧。佢話咖啡要冲得好，一定要不斷嘗試，又以冲咖啡比喻人生，勉勵在囚青年從失敗中學習，因為失敗只係一個過程，絕非結果。活動喺懲教署今年新開嘅訓練餐廳Café Rehapuccino舉行，餐廳為在囚青年提供餐飲訓練，將「更生」融入「咖啡」之中。
更多港聞
【明報專訊】香港呢個「盛事之都」，每年都有唔同大型活動；不過活動產生嘅廢物量不容忽視。綠惜地球喺上年10月到今年3月舉行「綠惜盛事選舉」，表...
詳情
青協4日接80求助 社工籲家長勿言「書又唔見你讀」
【明報專訊】修訂《逃犯條例》爭議自上周三（12日）起令社會氣氛變得更緊張。香港青年協會設立的網上輔導及電話熱線，上周三（12日）起收到最少6... 詳情
相關新聞
