【Emily】同林鄭唱反調 CY話對話冇用
[2019.08.27] 發表
【明報專訊】特首林鄭月娥公布有意構建對話平台，上周六請咗一班社會賢達去禮賓府畀意見，事後喺fb話唔期望對話能夠輕易解開死結，或者提供問題嘅解決方法。前特首梁振英(CY)噚日繼續喺facebook點評時政，提到「對話」成效嘅問題，佢話有冇成效關鍵係對象，如果對象冇代表性，唔可以「交貨」，對話就會變成街談巷議，唔會解決到問題。
CY講到「大台」嘅問題，認為「和理非不代表勇武，勇武也不代表和理非」，兩者都話冇大台，誰也不代表誰，誰也不願意被代表，佢問「誰負責在對話後交貨？」
CY任內、2014年佔領運動期間，政府曾派出當時係政務司長嘅林太同當時嘅學生領袖對話，CY喺fb提到縱使當時有「大台」，但大台同政府對話後，都係唔能夠代表佔中者「交貨」。佢分析，呢個係其中一個成因令群眾運動「易發難收」。
更多港聞
相關新聞
